एजेन्सी-
भारतको हिमाचल प्रदेशको पांगी र लाहौल–स्पिती जिल्लाको सीमावर्ती क्षेत्र कडु नालामा पहिरोमा जीप पर्दा १३ जनाको मृत्यु भएको छ ।
उदयपुर–किलाड सडकमा कडु नाला नजिकै पहिरो खस्दा कुल्लुबाट पांगी जाँदै गरेको जीपमाथि शुक्रबार पहिरो खस्दा १३ जनाको मृत्यु हुनाका साथै २ जना घाइते भएको स्थानीय प्रहरीले जनाएको छ ।
हिमाचल प्रदेशका मुख्यमन्त्री सुखविन्दर सिंह सुक्खुले इन्स्टाग्राममा पोस्ट गर्दै घटनाप्रति दुःख व्यक्त गरेका छन्।
